ពិធីសម្ពោធដាក់ឲ្យប្រើប្រាស់សេវាព័ត៌មានស្ដីពីការបោះឆ្នោត និងពិធីចុះហត្ថលេខាលើអនុស្សរណៈយោគយល់គ្នា

១២ មីនា ២០១៣ - ពេលវេលា៖ ថ្ងៃទី១៥ ខែមីនា ឆ្នាំ២០១៣ ម៉ោង ៨:៣០ - ១០:៣០ ព្រឹក
បន្ទាប់ពីបានធ្វើការមួយរយៈដើម្បីជួយគណៈកម្មាធិការជាតិរៀបចំការបោះឆ្នោត(គ.ជ.ប) ក្នុងការអភិវឌ្ឍន៍សេវាព័ត៌មានស្ដីពីការបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រក្នុងឆ្នាំ២០១៣។ ទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) បានធ្វើការឧបត្ថម្ភថវិកាដល់កម្មវិធី ស្ថាបនាភាពជាដៃគូ ដើម្បីបរិយាកាសទំនាក់ទំនង បែបច្នៃប្រឌិត (SPICE)បាន ធ្វើការគ្រាំទ្រដល់គណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីរៀបចំសម្ពោធសេវាព័ត៌មានជាសំឡេងលើកដំបូងដែលនឹងប្រព្រឹត្ត ទៅនៅថ្ងៃទី១៥ ខែមិនា ឆ្នាំ២០១៣ ចាប់ពីម៉ោង៨:៣០នាទីព្រឹក នៅសណ្ឋាគារ Imperial Garden Villa។ តាមរយៈសេវានេះប្រជាពលរដ្ឋកម្ពុជានឹងអាចស្ដាប់គ្រប់ព័ត៌មានសំខាន់ៗ អំពីការបោះឆ្នោតជ្រើសតាំងតំណាងរាស្ត្រក្នុងឆ្នាំ២០១៣ជាមួយនឹង ការហៅចេញដោយមិនគិតថ្លៃពីទូរស័ព្ទដៃទៅកាន់លេខ១២៨៥។

កម្មវិធីសម្ពោធនឹងមានការអញ្ជើញចូលរួមក្រោមអធិបតីភាព ឯកឧត្ដម អ៊ឹម សួស្ដី ប្រធានគណៈកម្មាធិការជាតិរៀបចំការបោះឆ្នោត(គ.ជ.ប)។ លោក ហាបៀរ សូឡា ប្រធានកម្មវិធីនៃអង្គការវិទ្យាស្ថានបើកទូលាយនឹងថ្លែងសន្ទរកថា ក្នុងកម្មវិធីនេះ។
កម្មវិធីសម្ពោធនឹងបន្តដោយមានពិធីចុះហត្ថលេខាលើអនុស្សរណៈយោគយល់គ្នា (MOU) រវាងគណៈកម្មាធិការជាតិរៀបចំការបោះឆ្នោត(គ.ជ.ប) មូលនិធិអន្តរជាតិសម្រាប់ប្រព័ន្ធបោះឆ្នោត(IFES) និងអង្គការវិទ្យាស្ថានបើកទូលាយ។
សម្រាប់ព័ត៌មានបន្ថែមអំពីកម្មវិធីនេះសូមមើលនូវរបៀបវារៈនៃកម្មវិធីនេះនៅខាងក្រោម