ចូលរួមកិច្ចពិភាក្សាដើម្បីអបអរទិវាសិទ្ធិនារីអន្តរជាតិ៨មីនា
ដើម្បីចូលរួមអបអរក្នុងទិវាសិទ្ធិនារីអន្តរជាតិ៨មីនា វិបផតថលស្ដីអំពីស្ត្រី http://women.open.org.kh សូមអញ្ជើញ និងសូមលើកទឹកចិត្ត លោក លោកស្រី អ្នកនាង កញ្ញា ចូលរួមក្នុងកិច្ចពិភាក្សាលើមធ្យោបាយទំនាក់ទំនងទាំងបីដែលមានលើវិបផតថលស្ដីអំពីស្ត្រី រួមមាន កំណត់ហេតុបណ្ដាញ វេទិកាលើបណ្ដាញ និងបញ្ជីសំបុត្ររួម ជុំវិញប្រធានបទ «ស្ត្រីចូលរួមក្នុងកិច្ចអភិវឌ្ឍន៍សេដ្ឋកិច្ច និងការងារសង្គមជាតិ » ដែលនឹងចាប់ផ្ដើមពីថ្ងៃទី២០ ខែកុម្ភៈ រហូតដល់ ថ្ងៃទី១៣ ខែមីនា ឆ្នាំ២០០៩។
កិច្ចពិភាក្សានេះធ្វើឡើងក្នុងគោលបំណងចូលរួមលើកកម្ពស់ការយល់ដឹងរបស់ប្រជាជនអំពីសិទ្ធិស្ត្រី និងជំរុញការអនុវត្តសិទ្ធិស្ត្រីនៅក្នុងប្រទេសកម្ពុជា ឲ្យកាន់តែមានភាពប្រសើរឡើង ព្រមទាំងបង្កើនកិច្ចសហការ និងពង្រីកនូវវប្បធម៌នៃការចែករំលែកព័ត៌មាន និងបទពិសោធន៍ រវាងស្ថាប័ន និងអង្គការដែលធ្វើការអំពីស្ត្រី និងបុគ្គល អំពីបញ្ហាស្ត្រីក្នុងប្រទេសកម្ពុជា។
១. ផលប្រយោជន៍សម្រាប់អ្នកចូលរួម
លោក លោកស្រី អ្នកនាងកញ្ញា ដែលបានចូលរួមច្រើនជាងគេនៅក្នុងការពិភាក្សាលើមធ្យោបាយទំនាក់ទំនងណាមួយលើវិបផតថលស្ដីអំពីស្ត្រី នឹងត្រូវបានលើកទឹកចិត្តតាមរយៈការផ្ដល់ជូនជាប័ណ្ណសរសើរ និងត្រូវបានអញ្ជើញចូលរួមនៅក្នុងកិច្ចប្រជុំវេទិកាស្ត្រី រៀបចំឡើងដោយកម្មវិធីស្ត្រី នៃអង្គការវិទ្យាស្ថានបើកទូលាយ ជារៀងរាល់២ខែ ក្នុងគោលបំណងពិភាក្សាអំពីបញ្ហាស្ត្រី។
ប័ណ្ណសរសើរនឹងត្រូវផ្ដល់ជូន៖
- ប័ណ្ណសរសើរចំនួន ០១ សម្រាប់ការពិភាក្សានៅក្នុងកំណត់ហេតុបណ្ដាញ
- ប័ណ្ណសរសើរចំនួន ០១ សម្រាប់ការពិភាក្សានៅក្នុងវេទិកាលើបណ្ដាញ និង
- ប័ណ្ណសរសើរចំនួន ០៣ សម្រាប់ការពិភាក្សានៅក្នុងបញ្ជីសំបុត្ររួម
២. តើលោក លោកស្រី អ្នកនាង កញ្ញា អាចចូលរួមក្នុងកិច្ចពិភាក្សានេះតាមរបៀបណា?
ជាការងាយស្រួលណាស់ ដោយ លោក លោកស្រី អ្នកនាង កញ្ញា គ្រាន់តែចូលទៅវិបផតថលស្ដីអំពីស្ត្រី http://women.open.org.kh និងចូលរួមនៅក្នុងការពិភាក្សាតាមមធ្យោបាយទំនាក់ទំនងដែលមាននៅផ្នែកខាងឆ្វេងដៃ ដូចជា៖
- កំណត់ហេតុបណ្ដាញ http://women.open.org.kh/km/blog
- វេទិកាលើបណ្ដាញ http://women.open.org.kh/km/forum
- និង បញ្ជីសំបុត្ររួម gender@lists.open.org.kh
អ្វីដែលកាន់តែងាយស្រួល និងពិសេសថែមទៀតនោះ គឺរាល់កិច្ចពិភាក្សានេះនឹងត្រូវពិភាក្សាជាភាសាខ្មែរ។
សម្រាប់ព័ត៌មានលំអិត សូមចូលកាន់វិបផតថលស្ដីអំពីស្ត្រី៖ http://women.open.org.kh ឬទំនាក់ទំនងមកកាន់កម្មវិធីស្ត្រីនៃអង្គការវិទ្យាស្ថានបើកទូលាយ ដែលមានអាសយដ្ឋាន ផ្ទះលេខ ១៩A ផ្លូវ ៣៧៦៤ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។ លេខទូរស័ព្ទ (៨៥៥-២៣) ២២៤ ៨២១, អ៊ីមែល៖ women@open.org.kh៕
